Во Романија има повеќе пензионери отколку работници

Добивај вести на Viber

Во Романија, во 2012 година, бројот на вработени лица изнесува 4,3 милиони, а бројот на пензионери 5,3 милиони лица. Ова е загрижувачки податок имајќи предвид дека во 1990 година имало 8,1 милиони работници и 3,5 милиони пензионери, пренесува романскиот весник „Журнал Финансиер“. „Доколку моменталниот тренд продолжи во наредните десет години, Романија нема да може да ги исплатува пензионерите“ - смета романскиот економски аналитичар Мирчо Костеа. Со преминот на Романија на пазарната економија, бројот на вработени во индустрискиот сектор е значително намален, Во еден од најголемите преработувачки сектори во земјата во 1990 година беа вработени 27,000 лица, а денес во истиот тој работат само 8,000 лица. За време на рецесијата која ја зафати оваа земја во 2009 и 2010 година, стотици илјади работници ја загубија работата и не успеаја повторно да се вработат дури и во економското заживување. Повеќе од два милиони Романци емигрираа и повеќето од нив работат во странство.