Во Словенија девојче загина правејќи селфи на пруга
Објавено во: Балкан 13 Јануари, 2021
Девојка загинала откако ја прегазил воз во Марибор, Словенија додека се фотографирала со нејзина другарка на пругата.
Несреќата се случила вчера на станицата Тезно, а пред да се случи несреќата, кондуктерот сигнализирал, затоа што не можел брзо да закочи, но било предоцна, пренесува порталот 24УР. Едната девојка починала на самото место, а другата е пренесена во болница во сериозна психичка состојба. Истрагата покажала дека девојчињата се фотографирале на шините, како и дека патничкиот воз што сообраќал на линијата Љубjана - Марибор започнал да им сигнализира бидејќи не можел да запре веднаш поради брзината. Тие скокнале од шините во последен момент, но едната од нив не успеала да се спаси.
Слични случки имаше во повеќе земји, но и во Македонија имаше несреќен случај при обид на момче да направи селфи на вагон.