ВО ВЕВЧАНИ НАЈГОЛЕМА ИЗЛЕЗНОСТА ОД НАД 52 ПРОЦЕНТИ: До 13 часот во државата излезноста е скоро 25 отсто
Објавено во: Македонија 31 Октомври, 2021
ДИК информираше
дека излезноста до 13 часот на ниво на целата држава е 24,87 отсто. Од вкупниот
број запишани избирачи, правото на глас го оствариле 269.674 граѓани. Според
претседателот на Државната изборна комисија, Александар Даштевски, досегашните
податоци укаживаат дека во воториот изборен круг од локалните избори помасовно
се гласа.
-Тоа значи дека излезноста сега е поголема од излезноста во првиот изборен круг во истото време, односно до 13 часот, истакна Даштевски на прес конференцијата.
По општини излезноста е следна:
Најголема излезноста е во Вевчани – над 52 проценти, Ранковце 47 прценти, Демир Капија 44 проценти, Конче – 42 отсто, Пехчево исто така над 42 отсто, Лозово 35 отсто, Гевгелија 34 отсто, Охрид 30 отсто, Карпош 29 отсто. Во Сарај е мала излезноста со 9 проценти, а Шуто Оризари 14 отсто.
Истовремено, тој потенцираше дека текот на денешниот ден има 178 приговори, од кои 157 се прифатени, 12 се одбиени.