Водата за пиење во три македонски општини е заматена
Објавено во: Македонија 29 Јуни, 2018
Водата од регионалниот водовод „Лукар“ е заматена поради дождовите. Од Центарот за јавно здравје од Кавадарци препорачуваат водата да се преврива пред да се користи.
- Во текот на денов ќе бидат земени примероци од водата, а резултатите од анализите за бактериолошка и хемиска исправност ќе бидат познати во понеделник. Дотогаш, задолжително е водата да се преврива, изјави д-р Трајче Ризов, специјалист по хигиена во Центарот за јавно здравје.
Препораката за задолжително превривање на водата се однесува за сите жители од Кавадарци, Неготино и Росоман кои се снабдуваат со вода за пиење од регионалниот водовод „Лукар”.