„ВОЈНАТА ВО УКРАИНА Е ДОКАЗ ДЕКА БИЗНИСОТ СО РУСИЈА И КИНА Е РИЗИЧЕН ЗА ЗАПАДОТ“: Предупредувањето стигна од Давос
Објавено во: Економија 24 Мај, 2022
Генералниот
секретар на НАТО Јенс Столтенберг денеска изјави дека војната во Украина е
доказ дека бизнисот со авторитарните власти на Русија или Кина претставува
ризик за безбедноста на Западот.
Столтенберг рече дека слободната трговија донесе просперитет, но дека има цена „бидејќи дел од оваа трговија, дел од економската интеракција со авторитарните режими ја поткопува безбедноста на Западот“.
Говорејќи на Светскиот економски форум во Давос, Столтенберг додаде дека е погрешна идејата дека Европа може да купува гас од Русија колку што сака.
„Тоа е опасно. „Купувањето и дава на Русија алатки за заплашување и употреба против нас, а тоа сега е јасно“, рече тој.
Столтенберг предупреди на секое прекумерно потпирање на суровини или напредна технологија или дозволување странска контрола врз националната инфраструктура, како што се мрежите 5G.
„Ова е за Русија. Но и за Кина. Уште еден авторитарен режим кој не ги дели нашите вредности. А тоа го поткопува меѓународниот поредок заснован на правила“, заклучи тој.
ФОТО: EPA/LAURENT GILLIERON