20 Февруари, 2019
0.3000
    ALK 8426.71    0.33%     CEVI 900    0%     GRNT 820.24    0.05%     KMB 5540.25    0.52%     MPT 51523.09    0.29%     MTUR 5100    -0.21%     OHB 6800.4    1.21%     REPL 75000    0%     RMDEN16 98.11    -0.09%     RZUS 108    2.86%     SBT 2618.86    8.55%     STB 1254.88    0.18%     TEL 315    0.16%     TNB 15500    0.03%     TTK 1379.91    -0.01%     UNI 2285.84    2.07%

Волонтер - гимназијалец од Македонија им дели лекции на постари

Објавено во: Македонија 21 Септември, 2018

Дамјан Георгиевски, гимназијалец од „Раде Јовчевски Корчагин“ од Скопје со своето лично искуство потврдува дека младите треба да бидат активни, секој ден да работат на унапредување на своите знаења, да волонтираат и придонесат за себе си и за заедницата.

Една од најполезните активности кои можат да ги прават младите е волонтирањето, а волонтерството е спорт за менталниот капацитет, вели тој. Почнал пред четири години и вели дека и во иднина, дури и откако ќе се вработи, нема да се откаже од волонтерството. Патот до вработување не секогаш е лесен, па од некаде мора да се почне, а волонтерството и стекнатото искуство можат да бидат плус во една работна биографија.

„Најпрво учевствував на различни работилници и активности за млади, а потоа и на младински размени. Првата средба со волонтерска работа ми беше Младинскиот Лидерски Камп (YMLP) кој што е во организација на Peace Corps Macedonia, YMCA Bitola и Амбасадата на Соединетите Американски Држави во Скопје. Подоцна, се запознав со различните можности кои се нудат за младите, па се приклучив и кон Американското Катче во Скопје. Неколку месеци подоцна, по учество на серија активности и работилници, некако спонтано станав волонтер на една од најголемите волонтерски организации во Македонија, Волонтерски Центар Скопје, на која сум и лојален до ден денес. По многуте активности, ја имав можноста да бидам испратен на младинска размена во Унгарија, и да ги проширам моите видици кон околината и светот.  Потоа, да речам, официјално започна моето вложување во волонтерската работа. Волонтерската работа, односно Волонтерски Центар Скопје ми ја даде можноста да се изградам како личност и да се стекнам со многу вештини, кои многу ќе ми користат понатаму во мојот живот“ - раскажува Георгиевски.

Додава дека волонтирањето му помогнало да се развие како личност, но и да стекне контакти со врсници од повеќе земји.

Конкретно јас, многу се променив од мојата прва младинска размена до сега. Јас сум сосема поинаква личност од тоа што бев, па можам да кажам дека луѓето кои ме познаваат денес, не би ме препознале пред 3 години. Од волонтирањето и младинските активности се стекнуваат огромен број на способности, знаења, и искуства. Комуникацијата со врсници од други држави, па и од нашата земја знаат навистина да направат позитивна разлика во општењето на една личност и секако да ги отворат видиците на еден млад човек. Со целото ова се стекнува искуството во различни области, од емоционалната интелигенција до адаптабилност во околината, кои можат многу да значат, и да не однесат на правиот пат. Меѓутоа овие способности и знаења не ги стекнуваме за самите себеси, туку ги стекнуваме за да направиме некаква промена во општеството и да помогнеме некому. Токму оваа можност ја дава волонтирањето“- вели тој.

Според него, во овој модерен свет во кој живееме, веќе не се гледаат универитетските дипломи, тие не се пресудни и човек со нешто мора да се издвои.

„Ако навистина сакате да се издвоите од останатите, тогаш една од потребните работи покрај образованието се овие способности. Покрај овие знаења и способности, вие исто така стекнувате нови познанства, и градите нови пријателства, кои можат да бидат од голема полза.  Секако, овие искуства и способности не ги стекнуваме само за себе, туку тие мораат да бидат искористени некаде. Па затоа, овие неколку нешта, ќе ве направат посакувани не само од околината туку и од идните работодавци. Верувајте, најсилни се оние луѓе кои и покрај проблемите им помагаат на другите, бидејќи тоа е она што го прават волонтерите. Волонтерите не се платени, не затоа што се бескорисни, туку затоа што се бесценети“ - додава Георгиевски.

Претходни истражувања направени во земјава покажале дека голем дел од младите се пасивни, не студираат и не бараат работа, а слободното време обично го поминуваат во кафулињата.

Сања Атанасовска

Можеби ќе ве интересира

Кирацовски: Дедото ме послуша, нема повеќе да работи таму

Кирацовски: Дедото ме послуша, нема повеќе да работи таму

Утре само условни казни за Кочан и Авировиќ?

Утре само условни казни за Кочан и Авировиќ?

Џафери кажа фала за поддршката од Бугарија за НАТО, Борисов задоволен

Џафери кажа фала за поддршката од Бугарија за НАТО, Борисов задоволен

Драги Рашковски му се закани на администраторот на веб-страната на претседателот Иванов

Драги Рашковски му се закани на администраторот на веб-страната на претседателот Иванов

УТРИНСКИ ФОКУС: Летаат откази, ама и нови „партиски“ вработувања- вреди ли животот во Македонија?

УТРИНСКИ ФОКУС: Летаат откази, ама и нови „партиски“ вработувања- вреди ли животот во Македонија?

Захариева по ратификацијата: Ќе се гради инфраструктура, патишта за заеднички развој на двете држави

Захариева по ратификацијата: Ќе се гради инфраструктура, патишта за заеднички развој на двете држави

Во Бугарија едногласно ратификуван пристапниот Протокол на Македонија во НАТО

Во Бугарија едногласно ратификуван пристапниот Протокол на Македонија во НАТО

Започна собирањето потписи: Познато кои тројца кандидати ќе одат самостојно на претседателски избори

Започна собирањето потписи: Познато кои тројца кандидати ќе одат самостојно на претседателски избори

Уште две вработувања во АД ЕЛЕМ на блиски до владини функционери

Уште две вработувања во АД ЕЛЕМ на блиски до владини функционери