Вработуваат луѓе од Македонија, САД, Украина и Тунис
Објавено во: Економија 25 Октомври, 2016
Вработуваат консултанти од Македонија, наставници од САД, ИТ од Украина и инженери од Тунис.
Градежните компании во Бугарија имаат криза за инженери, па затоа „увезуваат“ кадри од Тунис. Оваа година за прв пат околу 30 вработени од африканската држава добиле дозвола за да работат во Бугарија.
„Поради кризата за инженери и квалификуван технички персонал со години „увезуваме“ кадри од странство. Досега се потпиравме главно на оние од Турција, Русија, Украина и Србија" - објасни за „Монитор" експертот за селекција на персонал, Николај Христов.
Од почетокот на годината до септември, Агенцијата за вработување (АЗ) издаде дозвола за работа на 517 вработени од 47 земји надвор од ЕУ. Тоа значи дека секој месец фирмите примале по 57 странци.
„Најмногу дозволи се издадени на државјани на САД кои работат главно како професори во средни и високообразовни институции" - објаснија од АЗ.
На второ место по бројност се турските инженери и технички персонал, а потоа следат српските работници. Од Македонија бугарските работодавци „увезуваат“ главно спортисти.
Според статистиката во Бугарија работат над 23 000 странци. Работодавачите кои сакаат да се вработат персонал од трети земји, сепак треба да им гарантираат минимална плата од најмалку 2 просечни плати. ИТ компаниите во моментот имаат над 6000 слободни работни места.