ВРЕДНА ЗДЕЛКА: 7 милијарди долари дава Нестле за оваа компанија
Објавено во: Финансии 08 Мај, 2018
Швајцарската компанија Нестле ќе плати повеќе од седум милијарди долари за преземање на малопродажните кафе, чај и храна на компанијата Старбакс надвор од нејзините локали.
Иако цената е висока, таа би можела и тоа како да и сѐ исплати на швајцарската компанија бидејќи нејзините брендови Neskafе и Nespreso ниту од близу немаат тежина во Америка како што има Старбакс со две милијарди долари приходи од годишни продажби.
Договорот на компанијата Нестле и дава право да продава и дистрибуира повеќе производи на Старбакс, а договорот исклучува некои флаширани пијалоци кои се продаваат и во локалите на Старбакс и надвор од нив.
Нестле лани наговести дека ќе им се посвети на секторите со поголем раст, како што се нега на домашни миленици, кафе и храна за деца. Во јануари Нестле одлучи за околу 2,8 милијарди да го продаде своето производство на слатки во САД на италијански Фереро.
Швајцарската компанија денес објави дека ќе му плати на Старбакс 7,15 милијарди долари. Во Нестле ќе преминат околу 500 работници кои ќе ја продолжат работата од Сиетл.