Вучиќ: Србија може да ги искористи заладените руско-турските односи

Добивај вести на Viber

Србија има многу планови за зајакнување на економската соработка со Русија во сите области, коментирал премиерот на земјата, Александар Вучиќ за агенција „Спутник“. Во интервјуто објавено на сајтот на Агенцијата, тој коментирал дека Србија може да извлече корист од затегнувањето на односите помеѓу Анкара и Москва.

Вучиќ посочил дека во однос на земјоделските стоки Србија успеала да го заземе својот пат на рускиот пазар, а потоа санкциите против Турција - можностите ќе бидат уште поголеми. Потсетуваме дека претходно денеска вицепремиерот Аркадиј Дворкович коментирал дека Русија ќе ги прошири санкциите против Анкара.

Српскиот премиер сепак наведува дека напорите треба да се насочени кон извоз на преработена храна, а не толку на суровините - јаболка или домати, кои сега Србија ги извезува кон Русија.

Очекувањата се дека овие детали ќе бидат регулирани за време на посетата на вицепремиерот на Русија, Дмитриј Рогозин во Белград. Тогаш ќе бидат разгледани и можностите за заеднички вложувања во различни области, како што се градежништвото, навлегување на руски инвестициски фондови во Србија, како и долгорочни договори за испораки на прехранбени производи за руската армија, посочил уште Вучиќ.

„Сè е на масата, во сите области на општествениот живот се отворени прашањата на нашата соработка“, изјавил тој. Српскиот премиер го посочил примерот за заедничката работа во областа на индустријата, земјоделството и воената индустрија - поправка на руски хеликоптери и др.

Во 2015 година имавме многу проблеми - и ние, и Русија, со курсот на валутата и тешки проблеми кои ги наследивме од 2014 година“, забележал уште српскиот премиер и додал дека се надева дека во 2016 година ќе биде подобра. Постигнувањето на договор со Русија ќе биде од огромно значење за Србија и ќе помогне за зајакнување на стоковата размена, дополни Вучиќ.

Вучиќ коментирал уште и за претстојната посета на рускиот премиер Дмитриј Медведев во Србија. Таа е предвидена за април 2016 година и ќе биде од големо значење за понатамошната соработка и сигнал за подобрување на односите помеѓу двете земји, посочил уште српскиот премиер.