Вучиќ нема повеќе да биде претседател на Српската напредна странка
Објавено во: Балкан 29 Декември, 2019
Српскиот претседател Александар Вучиќ повеќе нема да ја предводи владеачката Српската напредна странка (СНС), која во јуни 2020 година ќе добие целосно ново раководство, од претседател до членови на Главниот одбор.
Ова го најави самиот Вучиќ по централниот комитет на СНС кој се состана денес во Белград, а главна тема беа подготовките за претстојните парламентарни избори.Тој изјави дека нема да се кандидира за лидерската функција во партијата, изразувајќи надеж дека неговиот наследник ќе може да ја предводи партијата како што доликува.
- Да, се дискутираше за мојата позиција и ќе има големи промени во персоналот. Многумина ме убедуваа, но мојот одговор е - не, нема да се кандидирам за претседател на партијата, рече Вучиќ.
По двочасовната седница Вучиќ истакна дека партијата ќе одржи собрание 28 јуни, а тогаш ќе бидат избрани и членовите на сите партиски тела.
- Она што навистина е важно за нас е закажувањето на партиското собрание на Видовден што покажува дека имаме потреба од ажурни луѓе кои имаат енергија, ентузијазам, амбиција и кои се потребни да ги заменат оние кои сакаат да направат кланови и да бидат големи шефови“. рече Вучиќ.