Вучиќ тврди дека Албанците сакаат да го заземат северот на Косово, видел студии за српските општини
Објавено во: Балкан 30 Март, 2018
Српскиот претседател Александар Вучиќ изјави дека не е тајна дека единствената цел на Албанците е да го заземат северот на Косово и Метохија, пренесе Н1.
„Тие сакаат да го заземат северниот дел и точка. Сè друго пресметале, како Србите да не преживеат“- вели Вучиќ.
Вучиќ смета дека Албанците се „моќни, големи и силни“ како нивните спонзори, додавајќи дека ја имаат „поддршката од западната јавност“.
„Размислувам за нашата Србија, така што секогаш ќе ја бранам, како и вистината. Ќе го зачуваме мирот и ќе ја заштитиме стабилноста, верувам дека тие се силни и тие и нивните спонзори“- рече Вучиќ.
Toj додаде дека Албанците направиле студии за секоја српска општина, бидејќи нивната единствена цел е северот на Косово и Метохија.
Вучиќ вели дека ги видел и студиите за Грачаница, во која Албанците стануваат мнозинство. Во Ново Брдо, Албанците веќе за една година стануваат мнозинство. Нивните цели не се голема тајна. нивна цел е завземање на северот, смета Вучиќ.