Вучиќ во Њујорк: На средба со Помпео за Косово
Објавено во: Балкан 20 Август, 2019
Средбата меѓу претседателот на Србија и државниот секретар на САД во Њујорк може да сигнализира пресврт на администрацијата на Вашингтон кон Косово
Средбата меѓу српскиот претседател Александар Вучиќ и државниот секретар на САД, Мајк Помпео, може да сигнализира почеток на промена на американската политика кон Белград и сигнал дека Вашингтон презема иницијатива за решавање на косовските јазли, што многу брзо може да резултира во повлекување на данокот и затоплување на дијалогот.
Оваа средба, очигледно е резултат на директна дипломатија која трае долго време помеѓу Белград и Вашингтон, доаѓа во време кога САД добиваат погласни пораки дека треба да се стави крај на повеќедеценискиот конфликт.
Дел од администрацијата на САД, особено луѓето од најблиското опкружување на претседателот Доналд Трамп, се обидуваат да најдат начин за излез од ќор-сокакот во кој падна дијалогот, па дури и да ја вратат демаркацијата, или поделеноста на територијата, како можно конечно решение, пишува српскиот портал „Новости“.
Според Стејт департментот, Вучиќ и Помпео, исто така, се состануваат во Њујорк на маргините на состанокот во Советот за безбедност на Обединетите нации за предизвиците на мирот и безбедноста на Блискиот исток и поддршката на администрацијата на САД за мултилатерални решенија. Првиот човек на Србија, Александар Вучиќ се очекува да биде гостин на ручек, чиј домаќин е државниот секретар на САД, а српскиот претседател е предвидено да има голем број состаноци во Њујорк. Најавено е дека Помпео ќе се сретне и со генералниот секретар на ООН Антонио Гутерес.