Вулкан се буди, луѓето бегаат
Објавено во: Свет 27 Јули, 2018
Поради вулкан во Вануату е извршена евакуација на жителите на еден остров.
Вулканот Манаро Вуи почна да исфрла пепел во претходните денови од почетокот на новата ерупција на островот Амба.
Ерупција се случи и во септември лани кога островот беше целосно евакуиран.
Властите велат дека новата вулканска активност повторно претставува опасност за животите на неколку илјади луѓе.
Министерот за надворешни работи, Ралф Регенван, изјави дека евакуацијата е задолжителна. Во тек е префрлувањето на населението на соседните острови.
Жителите велат дека лошо спиеле во изминатите денови поради силната бучава од вулканот и дека некои, особено децата, имале тешкотии со дишењето.
Во 2005 година поради вулканот беа раселени околу 5.000 луѓе.