За 16 месеци исчезнале над 400 деца
Објавено во: Балкан 21 Мај, 2019
За 16 месеци во Грција исчезнале 417 деца, а се пронајдени 354.
Скоро секој ден, во Грција се пријавува по едно исчезнато дете, но земјата е високо на листата во Европа во однос на пронаоѓањата со 85,95 oтсто успешност лани.
Според податоците од грчката полиција за 16 месеци (2018 и првите четири месеци од 2019) во Грција се регистрирани 417 исчезнати деца, од кои 354 се пронајдени, јави дописничката на МИА од Атина.
Ланиа исчезнале 299 деца, а 257 биле пронајдени. Од исчезнатите 123 биле момчиња (96 пронајдени, по 27 се трага) и 176 девојчиња (161 пронајдени, по 15 се трага).
Заклучно со 11 мај годинава, односно за првите четири месеци од 2019, се регистрирани 118 исчезнувања (45 момчиња, 73 девојчиња), од кои 97 се пронајдени (39 момчиња, 58 девојчиња).
Мнозинството исчезнати деца имале грчко државјанство (288), а потоа следат оние со албанско (23) и пакистанско (17). Во однос на возраста, најголемиот дел се меѓу 13 и 18 години.