За банкарската криза на Кипар, Христофијас ќе се изјасни пред обвинителството

Добивај вести на Viber

Откако поранешниот претседател на Република Кипар, Димитрис Христофијас, одби да сведочи пред специјалната комисија која ги истражува причините за банкарската криза во државата, тој одлучи да даде изјава пред главниот обвинител на Островот. – Економската криза на Кипар не е должничка криза, ниту пак беше предизвикана од состојбата со буџетот во државата. Структурни проблеми имало во економијата и ќе има во следните децении. Најголемата штета дојде од неопходноста за рекапитализација на Народната банка од страна на државата која чини 10 отсто од БДП и околу 25 отсто од годишниот буџет што беше и причина државата да побара финансиска помош од Европскиот механизам за поддршка - изјави Христофијас. Неговата партија, комунистичката АКЕЛ го оквалификува како „недозволено“ однесувањето на комисијата и според нив, Христофијас не откажал да сведочи туку само побарал посебен однос на истрагата спрема него.