За Нова демократија Ципрас води тајна дипломатија и ги држи граѓаните во мрак
Објавено во: Балкан 11 Јуни, 2018
Oпозициската Нова демократија ja oбвини грчката Влада за тајна дипломатија и дека ги држи граѓаните во мрак.
Тие бараат премиерот Алексис Ципрас итно да го извести парламентот за последните случувања во разговорите за името, јави дописничката на МИА од Атина.
„Владата продолжува со тајната дипломатија за скопското прашање на штета на националните интереси. Граѓаните ги држи во мрак. Нова демократија повторува дека господинот Ципрас не поседува политички легитимитет да ја обврзе земјата“- вели портпаролката на Нова демократија, Мариа Спираки.
Премиерот треба итно да го извести парламентот, бидејќи целосно ја носи одговорноста за неговиот избор, вели таа.