За Заев да не постоеше Делчев ќе требаше да го измислиме
Објавено во: Македонија 16 Октомври, 2020
Премиерот Зоран Заев вели дека да не постоеше Гоце Делчев, ќе требаше да го измислиме за да биде мост на пријателството меѓу Северна Македонија и Бугарија.
Тој вели дека сме мал регион и меѓусебно сме историски поврзани, па неопходно е да бидеме паметни за заедничката историја од минатото да нè прави поголеми пријатели, а не да нè разделува.
„Ќе видиме денеска како ќе поминат преговорите на Комисиите, веројатно потоа ќе соопштат за тоа како поминала средбата. Јас сум убеден дека ќе најдеме решение. Да не постоеше Гоце Делчев, ќе мораше да го измислиме за да биде мост помеѓу двете земји. Да покажеме малку дека сме Европејци“, рече Заев.
Членовите на мешаниот бугарско-македонски мешовит комитет за историски и образовни прашања Комисија за историски прашања денеска ќе одржи прес-конференција откако вчера во Скопје заврши првата од дводневните средби по девет часа дебатирање.