ЗАБРАНА ЗА УВОЗ НА МЕСО ОД БРАЗИЛ И АЛБАНИЈА - директорот на АХВ најавува засилени контроли, веќе е откриен шверц
Објавено во: Македонија 10 Јуни, 2025 13:10
Донесено е Решение за забрана на увоз на пилешко месо од Бразил поради птичји грип, потврди денеска директорот на Агенција за храна и ветеринарство (АХВ) Оливер Миланов. Решението, како што истакна, е веќе во сила.
Миланов потсети и дека пред пет дена, за спречување на можноста од ширење чума кај малите преживари (PPR), АХВ донесе Решение за забрана за увоз и транзит на живи домашни и диви мали преживари, семе, јајце клетки и емброни од домашни и диви мали преживари, месо од домашни и диви мали праживари, производи и преработки од месо од домашни и диви мали преживари, млеко и производи од млеко од домашни и диви мали преживари, како и нуспроизводи од домашни и диви мали преживари од Албанија каде, во областа Дебар, место Кастриот, на фарма со 200 кози имаше појава на ново жариште на болеста по пријавата на првиот случај во областа Скадар.
Досега, информира директорот, во рамки на контролите што АХВ ги спроведува со полицијата, откриен е и шверц на живи животни.
- Пред пет дена донесовме Решение за забрана за увоз од Албанија поради чума кај малите преживари. Алармирани се полицијата, армијата, сите ветеринарни друштва и официјалните ветеринари кои мора да бидат да бидат претпазлииви. Минатата година болеста ја имаше во Грција, за еден ден беа уништени околу 16.000 грла, но ние успеавме да не дозволиме да се појави кај нас - потенцира директорот.
Одговорајќи на новинарски прашања пред трибината за подигнување на јавната свест за безбедноста на храната, Миланов напомена дека АХВ се доекипира со инспектори.
- Во моментов имаме 186 инспектори. Во АХВ веќе завршија дел од огласите, но ќе имаме уште огласи до крајот на годината додека. Зацртан ни е бројот од уште 50-на инспектори - информира Миланов.
Во однос на храната што ја консумираме, тој уште еднаш нагласи дека е безбедна и најави засилени контроли поради летниот период, особено во туристичките места.
- Никаде во светот и никој не може да гарантира дека јадеме безбедна храна. Граѓаните јадат безбедна храна, сега со зголемување на температурите зголемен е и бројот на туристи и на транзит, а Агенцијата покрај редовните, врши и вонредни надзори. Периодов акцент ќе биде ставен на туристичките места како Струга, Охрид, Преспа, Дојран,... - рече Миланов.
Во врска со поминатиот рок на производите, дополни, одговорност имаат, пред се, операторите со храна кои мора да ги почитуваат законските и подзаконските акти.
- АХВ по дојава на граѓани, по редовни и вонредни контроли казнува и ја уништува храната со поминат рок, но операторите се должни таа роба заедно со официјален инспектор да ја однесат на соодветните депонии - истакна директорот на АХВ.
Можеби ќе ве интересира
(ВИДЕО) ХАОС ВО ОПШТИНА КОЧАНИ, СОВЕТНИК ДИВЕЕШЕ НА СЕДНИЦАТА: Фрли предмет па повреди една од советничките во лице, градоначалникот се обидуваше да го задржи но безуспешно
Три години и четири месеци затвор за раководителот за урбанизам на Маврово и Ростуше
ЌЕ ДОЈДЕ ЛЕКАР ОД СЛОВЕНИЈА, ЕСКПЕРТ ЗА АМПУТАЦИИ, ЗА ТРЕТМАН КАЈ НЕКОИ ОД ПАЦИЕНТИТЕ: Една пациентка се уште е во тешка состојба
„ПОСТОИ СЕРИОЗНА ОПАСНОСТ ДАЛИ СДСМ ЌЕ ПРОДОЛЖИ ДА ПОСТОИ ПО ЛОКАЛНИТЕ ИЗБОРИ“: Мицкоски за опозицијата
Генералната секретарка на Собранието - Марина Димовска: Mагичната формула на збирот од амбицијата плус посветеноста, изедначен со успехот
ЧЕКАЊЕТО НА ГРАНИЦА Е НЕИЗБЕЖНО: Еве ја состојбата на граничните премини во земјава
СОСТОЈБАТА ВО М-НАВ Е ВЛОШЕНА: Струковиот синдикат на контролори на летање предупредува - застарениот технички систем е во критична состојба
Министерот Андоновски: Апасиев живее во Аеродром, а не знае каде да го регистрира новороденчето
ГРЦИЈА ЕКСТРАДИРА МАКЕДОНЕЦ ВО ГЕРМАНИЈА: Обвинет е за кражба и убиство на старец
