Заев: Мора да се развива продуктивноста и конкурентноста на домашното производство
Објавено во: Економија 30 Март, 2019
Премиерот Заев, вицепремиерот Анѓушев и министерот за транспорт Сугарески денеска во Прилеп на средба со стопанствениците од пелагонискиот регион. „Овој регион партиципира со 12 проценти во бруто домашниот производ, а се соочува со недостиг од квалификувана работна рака,особено средно стручен кадар“,истакна премиерот Заев и понуди решение – преквалификација на 50 отсто од невработените со основно образование и визна либерализација со цел и странците полесно да дојдат до работно место во земјава. Според Заев со решавањето на спорот со Грција се отворат можностите за голема инфраструктурана и економска соработка на пограничните општини од двете земји. Тој истакна дека мора да се развива продуктивноста и конкурентноста на домашното производство, посебно сега кога државата е стабилна и се развива инфраструктурата во земјава.
Владината делегација при ова посета изврши и увид и врз работата на трасата од гасоводот од Неготино – Прилеп - Битола во должина од 90 километри.