12 Декември, 2018
0.5303
    ALK 8271.79    1.51%     BESK 9000    0%     KJUBI 1550    0%     KMB 5062.11    2.62%     MPT 47000.07    1.2%     MTUR 4850    0%     OKTA 4350    2.35%     REPL 70040    3%     RMDEN16 97.3    0.31%     RMDEN17 96.5    0%     SBT 1850    2.66%     STB 1280    0.13%     STIL 122    0.83%     TEL 298.64    1.23%     TNB 14150    1.07%     TTK 1245.37    1%     UNI 2231    -2.96%

Заев на Фејсбук: Зарем можеме да се правиме слепи и глуви за сѐ што Бугарија направи за Македонија?

Објавено во: Македонија 10 Август, 2018

Премиерот на Република Македонија објави статус на својот Фејсбук профил, во кој истакна дека Македонија и Бугарија негуваат искрено пријателство.

Меѓу другото, во објавата тој го истакна чевствувањето на заеднички делови од историјата, како и за залагањето на премиерот Борисов и министерката Захариева за Македонија да добие датум за почеток на преговори со ЕУ.

Целиот статус можете да го прочитате во продолжение: 

„Гледам во пријателска Бугарија се отвори јавна дебата и се постави дури и прашањето за тоа дали ние двете земји и двата народи градиме ИСКРЕНО пријателство и соработка.

Сакам да им порачам на сите граѓани, дури и на критичарите во Македонија и во Бугарија, да немаат дилема дека пријателството и соработката се искрени.

Ние повеќе од една година чествуваме заеднички делови од историјата меѓу двата народи, неколку пати заедно одбележуваме историски настани. Јас сум првиот премиер на Македонија што во Бугарија (Благоевград) се поклони пред споменикот на Гоце Делчев при заедничкото одбележување на празникот. Претходно мојот пријател, господинот Борисов, беше прв бугарски премиер кој се поклони пред гробот на Гоце Делчев во Македонија (Скопје) при заедничкото одбележување на празникот. Заедно двајцата претседатели на влади се поклонивме и пред споменикот на Цар Самоил во Софија. Заедно во Рим, во Ватикан оваа година ги славевме Светите браќа Кирил и Методиј, заедничките сесловенски просветители. Премиерот Борисов дојде во Скопје специјално да се поклони пред споменикот на Холокаустот на Евреите.

Драги пријатели и браќа од Бугарија, верувајте, искрено градиме пријателство кое неколку децении наназад беше изгубено. Тоа беше загуба за двете земји. Ние повторно го најдовме нашиот пријател и брат. Да не дозволиме да се враќаме назад. Тоа ни е обврска пред нашите деца. Некогаш можеби не сме доволно внимателни ние политичарите, некогаш правиме и грешки, но ве уверувам дека тоа е само невнимание, затоа што искрено сакаме соработка и пријателство како што тоа го потпишавме во договорот за добрососедство и пријателство.

Зарем можеме да заборавиме како премиерот Борисов и министерката Захариева се бореа за Македонија во Министерскиот Совет на ЕУ и во Советот на Европа, за Македонија да добие датум за почеток на преговори со ЕУ? Се бореа како што се борат за својата земја.

Зарем можеме да се правиме слепи и глуви кога гледаме и слушаме сѐ што Бугарија направи и успеа во тоа да ѝ помогне на Македонија за добивање на поканата за членство во НАТО? Зарем цела Европа не виде како Бугарија помага за Македонија и Западниот Балкан да се приближат кон Европската Унија?

Никогаш нема да го заборавиме тоа пријателство кое е докажано на дело. Ние сме благодарни и многу го почитуваме тоа. Затоа заедно ќе го славиме и чествуваме нашето минато и на темелите на тоа минато ќе продолжиме да ја градиме нашата заедничка иднина. Заедно ќе бидеме како едно семејство во заедништво со сојузниците од Европската Унија и НАТО“.


Можеби ќе ве интересира

Ѓулистана Марковска: Каракачанов изгради кариера на Македонија

Ѓулистана Марковска: Каракачанов изгради кариера на Македонија

Во Кавадарци не се дише

Во Кавадарци не се дише

(ВИДЕО) Македонки играа оро на „Деспасито“, еве како тоа изгледа

(ВИДЕО) Македонки играа оро на „Деспасито“, еве како тоа изгледа

Сијарто кажа кога ЕУ треба да почне преговори со Македонија

Сијарто кажа кога ЕУ треба да почне преговори со Македонија

Нешков до Борисов: Зошто е оваа омраза кон „неосвестените" Македонци?

Нешков до Борисов: Зошто е оваа омраза кон „неосвестените" Македонци?

Југ: Секој си ги извади своите, а во притвор останавме само ние жртвените јагниња

Југ: Секој си ги извади своите, а во притвор останавме само ние жртвените јагниња

Вељаноски: Не можев да го исклучам микрофонот

Вељаноски: Не можев да го исклучам микрофонот

Толку беше: Еден затвор се откажа од штрајкување

Толку беше: Еден затвор се откажа од штрајкување

Ѓоргиев: Цар Самуил, Прличев и Светите браќа се личности на повеќе народи

Ѓоргиев: Цар Самуил, Прличев и Светите браќа се личности на повеќе народи