Заев на отворањето на „Арбен Џафери“: Сега ние сме на ред
Објавено во: Балкан 29 Мај, 2019
Зоран Заев, премиерот на Македонија, денеска присуствува во Косово на свеченото отворање на автопатот „Арбен Џафери“, проектот кој ја поврзува Приштина со Скопје. Сепак македонскиот дел од 14-тина километри се уште не е започнат, а шефот на македонската влада рече дека денешното пуштање во употреба дава поголем мотив за работа.
"Автопатот Арбер Џафери исто така е мотив за нас да ја забрзаме постапката. Наскоро ќе објавиме тендер за 14 километри пат од граничниот премин Блаце до Скопје, при што патот Скопје-Приштина ќе се поминува за 45 минути ", рече Заев.
На свеченото отворање присуствуваше целиот државен врв на Косово, а премиерот Рамуш Харадинај рече дека овој проект му дава нова димензија на регионот..