Заев не ги излажа рударите: Ќе ги огрее ли сонце со порано одење во пензија

Добивај вести на Viber

По 35, односно 40 години поминати во рударскиот мрак, рударите конечно ќе ги огрее сонце,

Измените кои ги најави министерката за труд и социјална политика добија зелено светло од Владата.

Ова значи дека наместо на 58, рударите во пензија ќе може да заминат и на 50 години , односно оние кои работат во подземен коп ќе се пензионираат и само со работен стаж од 35 години за жени и 40 за мажи. 

Според министерката Царовска со овие измени се исправа голема неправда и се излегува пресрет на долгогодишните барања на рударите.

Пред една година од Македонска Каменица, премиерот Заев им вети на рударите дека ќе донесе закон со кој ќе се регулира и бенифицираниот стаж на оваа категорија работници. 

„Кој ли се нема бенифициран стаж во Македонија, а потребата од бенифициран стаж тргна од тешката мака на рударот. Затоа, да знаете дека и таа правда ќе дојде овде и преку бенифициран стаж, рударите полесно и побрзо ќе одат во пензија, а тоа ќе отвори нови работни места на младите луѓе“ - изјави од митинг Заев. 

Подобри услови и стандард за рударите ветуваше и вицепремиерот Кочо Анѓушев.

„Владата подготвува мерки за подобрување на условите и стандардот на работниците во рударството и мерки за поддршка на компаниите кои ќе можат да ги искористат македонските компании, но и странските инвеститори, како што е и рудникот „Саса“, кажа вицепремиерот за економски прашања лани во септември кога го посети рудникот „Саса“ во Македонска Каменица.