Заев: Од максимални 600 бодови, новите полициски службеници имаат просек од 530
Објавено во: Македонија 31 Август, 2019
Зоран Заев, премиерот на Македонија, за прв пат како претседател на Влада присуствуваше и се обрати пред новата генерација на полициските службеници во центарот во Идризово и рече дека истите обуката ја завршиле со висок просек на бодување.
„Во просек со 530,92 бодови од можни 600 за потребните компетенции. Вкупно 528 од пријавени 550 ги минаа критериумите на обуката. Тоа говори дека сте исклучително мотивирани. Имате благородна функција да ги штитите граѓаните и уставот. Ви посакувам успешна кариера во редовите на МВР. Им упатувам честитки и на инструкторите за грижата да обезбеди континуитет на професионалните ресурси. Јас како претседател на Владата и целата Влада сме горди на вас.
На прославата им беа доделени и признанија на најдобрите кандидатите во текот на обуката на полициските службеници.
На свеченоста зборуваше и Оливер Спасовски, министерот за внатрешни работи, а присутни беа и Агим Нухиу, заменикот-министер во МВР, како и Сашо Тасевски, директорот на БЈБ.