Заев: Она за кое се бореа вредно генерациите од осамостојувањето ни е на дофат

Добивај вести на Viber

Слушаме за критиките дека многу сме се насочиле на дипломатските мисии, посебно решавајќи ги проблемите со Бугарија и Грција, но паралелно ги теравме реформите. Првата фаза од реформите ја поминавме, заедно со опозицијата се гласаа реформите во правосудството, сега следуваат втората и третата фаза. Конечно имаме цело време да биде посветени на реформите и економијата-истакна денеска премиерот Зоран Заев на заедничката прес конференција со генералниот секретар на НАТО Јенс Столтенберг одговарајќи на прашањето за  критиките во јавноста дека Владата не се посветила доволно на домашните реформи, туку на надворешната политика.

Заев кажа дека Владата во изминатата година паралелно ги туркала и внатрешните реформи и надворешната политика оценувајќи дека поканата за НАТО и отворањето на патот за преговори со ЕУ ќе придонесат исто така за тој дел.

„Верувам дека мотивацијата, како кај мене така и кај целата Влада, ќе биде и во сите институции во Република Македонија, но и кај нашите граѓани, знаејќи дека имаме што да сработиме дома, сите со своите обврски и задолженија. Јас сум убеден дека дефинитивно нешто вредно за кое се бореле генерации од осамостојувањето на Македонија, конечно го имаме на дофат“, рече премиерот.