Заев порача од Кавадарци: За неколку дена треба и официјално да стартува откупот на грозјето
Објавено во: Економија 08 Септември, 2020
Премиерот Зоран
Заев, денеска во Кавадарци каде заедно со вицепремиерот за економски прашања Фатмир
Битиќи и министерот за земјоделство, Арјанит Хоџа, одржаа редба со лозаритепорача
дека таму се да разговараме за решавањето на еден од најсериозните проблеми, и
да најдат заедничко решение.
-Оваа година
состојбата со лозарството е тешка, затоа што затворени се угостителските
објекти подолг период и дома, но и во земјите кои ни се традиционални партнери
и тоа предизвика да имаме 55 милиони литра вино во визбите, за разлика од лани
овој период кога имаше 30-35 милиони литри. Тоа предизвикува
загрижувачка состојба за сите нас. Оваа година имаме и болест, околу 20%-30% од
лозовите насади се зафатени со болеста „бутритис“, која што секако
предизвикуваат одредено опаѓање на грозјето и намалување на приносите, но
секако и таму каде што го има грозјето, заради дождовите кои беа пред десетина,
петнаесет и дваесет дена предивикуваат повисоки приноси на делот на грозјето. Денес
сме во Кавадарци да изнајдеме фер решение, кое ќе биде фер за лозарите, за
визбите и за државата, затоа што само на тој начин верувам дека државата чесно
ќе им служи на своите граѓани. Чесно се поставивме уште со креирањето на
ребалансот на буџетот во месец мај, пред изборите. Предвидовме буџетски
средства, знаејќи дека ќе дојдеме до ваква тешка состојба и денеска сме овде заедно
со лозарите да поразговараме за решение на конкретниот проблем, истакна премиерот Заев.
Тој истакна дека веќе е договорена откупната цена на Вранецот од 11 денари,
додека за Смедеревката од 9 денари, каде државата ќе интервенира со 2+2 денари,
вкупно со 4 денари за да бидат постигнати конечните цени во приход за
лозарите од 15 денари за Вранец и 13 денари за Смедеревка.