Заев се пофали со странски инвестиции
Објавено во: Економија 27 Март, 2019
Бројот на невработени е под 19,4 проценти, платите се зголемени 22.000 на 25.000 денари и трендот на нивен пораст расте, изјави синоќа премиерот и лидер на СДСМ Зоран Заев, во ТВ дуелот со лидерот на ВМРО-ДПМНЕ, Христијан Мицкоски во емисијата „Само вистина“ на Канал 5.
Вели дека ќе имаме стабилен раст поголем од четири отсто.
„Имаме нови рекорди на странски инвестиции, кои изнесуваат 624,5 милиони евра, што е двојно повеќе од најдобрата година што Северна Македонија ја имала од самостојноста досега. Бруто домашниот производ беше минус 1,8 отсто, сега е 3,7 отсто. Расте бруто домашниот производ“, вели Заев.
Заев праша како ќе има домашни и странски инвестиции без НАТО и без ЕУ, како ќе има сигурност и стабилност без НАТО и без ЕУ, бидејќи, како што рече, без Договорот нема НАТО и ЕУ.