Заев со врвот на ДУИ го одбележа Денот на албанската азбука
Објавено во: Македонија 23 Ноември, 2017
Премиерот Зоран Заев имаше можност да се обрати на централната прослава за Денот на формирање на албанската азбука во Битола при што упати пораки за заедништво, меѓусебно почитување, негување на наследството на Македонија и градење заедничко граѓанско општество кое ќе биде еднакво за сите. Според него голема е честа да биде поканет на одблежување на 109 годишнината од Битолскиот конгрес кога група на албански интелектуалци ја стандардизираа албанската азбука.
„Писмото и говорот се во основата на националниот идентитет, а нивните специфичности и особености се вткаени како карактеристични нишки на културната посебност. Но, во исто време, секој говор и писмо, во себе ја кријат и потребата да не бидат изолирани и самодоволни, туку да воспоставуваат комуникација за разбирање, толеранција и соживот со другите. Прогласување на денешниот ден за официјален празник на албанското писмо, е составен дел од јазичното и од културното богатство на Република Македонија. Одбележувањето на културните вредности, датуми и традиции на сите етнички заедници, вклучувајки ја и албанската, придонесува за просперитетна иднина и за благосостојба на сите граѓани“ рече Заев.
На вчерашната прослава во Битола беа присустни и високи функционери на албанските партии, меѓу кои и Али Ахмети. На официјалните владини фотографии од настанот не се забележуваат останатите коалициони партнери од владата, туку доминираат пред се членовите на ДУИ.
Албанските опозициски медиуми речиси и да не ја проследија оваа прослава организирана од страна на Владата, без оглед на важноста на самиот празник за Албанците во Македонија.
Можеби ќе ве интересира
„Ќе одговараш, страшно ќе одговараш”: 57 годишен маж од Богданци вербално ѝ се заканувал на Кацарска во сред Центар, доби кривична
Трагедија во Штип: Едно лице почина, а друго се бори за живот по повреди добиени во лифт во угостителски објект
По три часа состанчење ДУИ одлучи: Еве со кој ќе го формираат ставот за прегласувањетo на одредени избирачки места
Каде ќе се прегласува во среда, а кој колку мандати освои: ДИК официјално
Градоначалник доби кривична: Незаконски располагал со буџетски средства за време на избори
ШТО ЛИ ЌЕ СЕ ДИСКУТИРА: Претседателството на ДУИ ќе состанчи попладнево
Се вози без возачка, се „лета“ на црвено, се зборува на мобилен: МВР казнува низ Скопје
Тошковски: Лишен од слобода виш аналитичар во СВР Скопје, фатен со над 10 илјади евра од сторена измама
Управен суд ги одби како неосновани сите седум тужби од „Европски фронт“
