ЗAЕВ ЗА ИМЕТО: Ќе се изнајде решение каде ќе се сочува достинството на двете страни
Објавено во: Македонија 19 Јануари, 2018
Премиерот Зоран Заев денеска изрази уверување дека ќе биде изнајдено решение за проблемот што Грција го има со уставното име на Република Македонија.
Toj рече дека е оптимист околу ова прашање.
„Верувам дека помеѓу две земји, кои се пријатели и имаат намера да бидат уште поблиски, ќе се изнајде решение каде ќе се сочува достинството на двете страни, а ќе биде придобивка за граѓаните на двете земји“- рече премиерот.
Заев забележа дека за суштината на разговорите, предлозите, рамката што е испорачана не би требало јавно да се зборува за да не се уништат шансите во преговорите.
„Гледате дека се води транспарентен процес, сакаме национален консензус да го изградиме решението и на крајот граѓаните на референдум да го потврдат, убеден сум дека ако бидеме внимателни, па и да водиме сметка и за грчката страна ќе најдеме решение за ова прашање што не измачува 25 години“ - вели Заев.
Тој апелираше и до граѓаните и до медиумите да бидат трпеливи.
Грчките медиуми во повеќе наврати лицитираа со повеќе имиња.