Започна судењето за „Талир“: Игор Јанушев повикан во име на обвинетото ВМРО-ДПМНЕ

Добивај вести на Viber

Генералниот секретар на партијата Игор Јанушев е повикан на денешниот старт на рочиштето за случајот „Талир“ на СЈО во име на обвинетото ВМРО-ДПМНЕ како правен субјект за незаконско финансирање.

По денешното судско рочиште за предметот „Талир“, генералниот секретар на ВМРО-ДПМНЕ,Јанушев изјави дека се работи за политички прогон врз неговата партија.

„Јасно и недвосмислено се покажува фактот дека целиот овој политички процес е всушност политички прогон кон најголемата политичка партија во Република Македонија“ рече Јанушев, кој додаде дека не сака да ги коментира индивидуалните изјави на Елизабета Чингаровска, која го овозможи истото финансирање како управител со хартии од вредност. Таа лани ја призна вината и доби условна казна, а сега е повикна во својство на сведок.

Пратеникот Илија Димовски, еден од обвинетите, на 13 февруари со писмен поднесок го известил судот дека од 17 до 21 февруари ќе биде во Брисел на комитет на парламентарното Собрание на НАТО. Како шеф на делегацијата од Македонија имал неодложно службено патување.

На судењето беа присутни останатите обвинети Кирил Божиновски и Миле Јанакиески, како екс-владини функционери, додека Никола Груевски е недостапен за правосудните органи.

Следното рочиште е закажано за 7 март во 10 часот.