Затворска казна за обид за физичко насилство над Заев и Спасовски
Објавено во: Македонија 29 Јуни, 2018
Петре Жежовски, еден од обвинетите за упад во собранието на РМ на „крвавиот четврток“, е казнет со 2 години и 10 месеци затвор откако се пресметувал со обезбедувањето и имал намера да им нанесе физички повреди на актуелниот премиер Зоран Заев и актуелниот министер за внатрешни работи Оливер Спасовски.
Тој ја признал вината пред Кривичниот суд, дознава „Макфакс“. Во пресудата пишува дека на 27 април по 18 часот и 30 минути Жежовски влегол во Собранието, извршил насилство врз повеќе граѓани, грубо навредувал и ја загрозил сигурноста на присутните.
Осудениот Жежовски физички нападнал полициски службеник, го стегналсо двете раце за вратот а потоа, сега осудениот, со други лица, со туркање влегле во прес-салата на Собранието, каде што физички го нападнале обезбедувачот на Оливер Спасовски, Сашо Тасевски. Според пресудата, Жежовски го удирал со тупаници во пределот на главата и телото, а потоа и со метални ногарки од канцелариски стол се обидел да го замавне и кон Оливер Спасовски. Жежовски се обидел да го удри и Зоран Заев, но не успеал.
Оштетените Зоран Заев, Оливер Спасовски и Сашо Тасевски можат да бараат отштета во постапка во граѓанскиот суд во Скопје. Ова е трето признание на вина, откако претходно за кривичното дело „насилство“ вина признаа обвинетите Васко Цунгаревски и Димитар Попоски.
Можеби ќе ве интересира
ТАРАВАРИ ЗА РТК: Албанците ќе имаат претседател на Собрание и 6 министри
„Ќе одговараш, страшно ќе одговараш”: 57 годишен маж од Богданци вербално ѝ се заканувал на Кацарска во сред Центар, доби кривична
Трагедија во Штип: Едно лице почина, а друго се бори за живот по повреди добиени во лифт во угостителски објект
По три часа состанчење ДУИ одлучи: Еве со кој ќе го формираат ставот за прегласувањетo на одредени избирачки места
Каде ќе се прегласува во среда, а кој колку мандати освои: ДИК официјално
Градоначалник доби кривична: Незаконски располагал со буџетски средства за време на избори
ШТО ЛИ ЌЕ СЕ ДИСКУТИРА: Претседателството на ДУИ ќе состанчи попладнево
Се вози без возачка, се „лета“ на црвено, се зборува на мобилен: МВР казнува низ Скопје
Тошковски: Лишен од слобода виш аналитичар во СВР Скопје, фатен со над 10 илјади евра од сторена измама
