ЗАТОПЛУВАЊЕ НЕМА НА ПОВИДОК: Еве ја неделната временска прогноза

Добивај вести на Viber

Големо затоплување на времето, како што доликува за втората половина од мај, нема ни на повидок, што значи нов пад на температурите барем одсега гледано ќе имаме по 20 мај, особено кон крајот на месецов, вели метеорологот Славчо Попоски.

Според неговата неделна временска анализа, во текот на новата седмица која ни претстои, односно во периодот од понеделник (19 мај) до недела (25 мај) во Македонија ќе биде потопло, особено преку ден, но некое големо затоплување  и температури кои доликуваат за втората половина на месец мај не очекува. Ти речиси насекаде ќе надминуваат 20 степени, додека во Повардарието тие очекува да надминат  и 25 степени. Сепак наутро ќе биде сеуште ладно, особено во почетокот на седмицата.

„Времето, особено во претпладневните часови ќе биде претежно стабилно, суво и со сончеви периоди. Во попладневните часови атмосферата ќе се дестабилизира, и локално ќе се развиваат грмотевични облаци од кои очекувам појава на пороен дожд, грмежи и засилен ветер, а локално, не ја исклучувам можноста  и за појава на краткотрајно невреме.

И во делови од Скопскиот регион во текот на седмицата во попладневните часови, повремено очекувам развој на грмотевични облаци од кои очекувам појава на краткотраен пороен дожд, грмежи и засилен ветер.

На следниот линк следете ја алатката за рано предупредување на невреме НОТАС, и истата е од голема корист на секој граѓанин https://nothas.finki.ukim.mk/“, вели Попоски.