ЗАТВОРСКИ ЧУВАР ВО ГРОЗНИ ДО ЗАРОБЕН УКРАИНСКИ ВОЈНИК: Откако ќе се справите со Русите, тогаш ќе ги отфрлиме и ние
Објавено во: Свет 09 Март, 2024
Чеченија ги менува заробените Украинци за свои луѓе. Но, како што тврдат Украинците кои се вратиле дома, Чеченците им се воодушевуваат затоа што тие се спротивставуваат на Русите.
Чеченскиот претседател Рамзан Кадиров заменува украински затвореници со Украина во замена за чеченски затвореници, пишува британски „Тајмс“. Весникот се повикува на изјавата на Петро Јаценко, портпарол на украинското тело задолжено за прашањата на воените заробеници.
„Имаме случаи каде ранетите (Укранците) ги купувале од руската војска ги носеле во Грозни и потоа ги менувале за свои“, тврди Јаченко.
Украинскиот заробеник Вјачеслав Левицки(41) кого лани Русите го заробиле кај Авдиевка за „Тајмс“ раскажува дека бил изненаден од третманот од Чеченците. Никој не го тепал, му дале инвалидска количка, а на излегување затворскиот чувар го прегрнал и се фотографирал со него. „Тој ми рече: „Откако ќе се справите со Русите, тогаш ќе ги отфрлиме и ние“, вели Левицки. Левицки беше ослободен неколку месеци подоцна. Тој бил сместен во група од 60 Украинци кои требало да бидат разменети за пет Чеченци. Размената се одржа во јуни 2023 година.
Се верува дека Чеченците имаат 10.000 борци, но повеќето од нив не се на фронтот. Според „Тајмс“ ова е причината зошто тие не успеваат сами да заробат украински војници, туку мораат да ги купат од Русите за да ги спасат своите борци.
Многумина веруваат и дека Чеченците сочувствуваат со Украинците и им се восхитуваат што им се спротивставуваат на Русите, исто како што некогаш правеше „одметнатата чеченска провинција“, пред семејството Кадиров да склучи договор со рускиот претседател Владимир Путин и да стане сојузник на Москва во замена за моќ.
Војната во Украина трае повеќе од 700 дена. Руската инвазија на Украина почна на 24 февруари 2022 година.фото: твитер/принтскрин