Зекири „ја растура“ коалицијата со ДУИ: Тие се зло за Албанците
Објавено во: Македонија 21 Ноември, 2019
Како функционира коалицијата СДСМ- ДУИ, има ли некои нетрпеливости и кој ги разделува Албаниците. Потпретседателот на СДСМ и пратеник од редовите на оваа партија Мухамед Зекири вчера гостуваше на дебатниот магазин „Click Plus“ на ТВ 21. Одговарајќи на прашањето дали би коалицирале повторно со ДУИ, Зекири рече дека тој лично не ги сака ДУИ во коалиција и дека тие биле најлошото нешто што можело да им се случи на Албанците.
Тврдеше и дека се случува во институции каде раководат функционери на ДУИ, челниците од владеачката албанска партија да вработуваат Македонци, само не Албанци од СДСМ. Зекири обвини дека Блерим Беџети вработувал судии, по што Беџети, се јавил во емисијата и го обвинил Зекири дека зборува под диктат на неговиот патрон (претседателот на СДСМ).
На прашањето дали поранешниот претседател на СДСМ, Бранко Црвенковски се уште има влијание во партијата, Зекири рече дека како резултат на неговите лоши политики СДСМ ги губела изборите и дека денеска тој нема никакво влијание.