„Зелениот“ Љупчо Јаневски нов директор на Агенција за туризам
Објавено во: Македонија 07 Февруари, 2018
Љупчо Јаневски од зелената партија ДОМ е назначен за вршител на должност директор на Агенцијата за поддршка и промоција на туризмот во Македонија. Јаневски како што е добро познато го пополнува директорското место кое беше испразнето како резултат на првото разрешување на владин функционер. Александар Доневски од Шарената револуција беше разрешен поради несовесно работење откако се дозна дека за патување во Аргентина платил за околу 40% поскапа карта во бизнис класа.
Љупчо Јаневски има докторат на Факултетот за туризам, како и големо претходно искуство во областа на туризмот во Македонија преку повеќе организации. Јаневски исто така има искуство во финансиите и маркетингот.
Во една негова анализа за привлекување поголем број на странски гости тој се залага за промоција на еко туризмот, на авантуристичкиот туризам, искористување на примамливи брендови како македонското вино и гастрономијата, како и градење на препознатливи туристички брендови.