Земја која вакцинираше 83 проценти од населението над 16 години со една доза: Сега Шведска разгледува давање трета доза од вакцината
Објавено во: Македонија 24 Септември, 2021
Шведска вакцинираше 83 проценти од населението над 16 години со една доза, а 76 проценти ги примија двете дози на вакцината против коронавирус...
Шведска размислува за давање трета доза на вакцина против коронавирус на поголем дел од населението од страв дека заштитниот ефект на две дози од вакцината не е доволен и дека може да почне да опаѓа со текот на времето, објави Агенцијата за јавно здравје на таа земја.
Здравствената агенција неодамна забележа дека има околу 40.000 луѓе на кои им е потребна трета доза од вакцината, но денес објави дека овој број на луѓе наскоро би можел да биде поголем.
„Има сигнали од странство што укажуваат дека заштитата од вакцинација исчезнува по некое време, особено кај постарите лица“, рече на прес -конференција службеничката на Агенцијата за јавно здравје, Сара Бифорс, пренесува Ројтерс.
Таа посочи дека е важно оваа потреба да се задоволи со третата доза.
Шведска вакцинираше 83 проценти од населението над 16 години со една доза, а 76 проценти ги примија двете дози.
Земјата се одлучи против карантин за време на пандемијата на вирусот корона, а во сила се претежно доброволни антиковид мерки.
Повеќето мерки и препораки против коронавирусот, како што е наведено, ќе бидат завршени следната недела.