Земјотрес со јачина од 4,4 степени попладнево ја стресе Грција
Објавено во: Балкан 04 Март, 2021
Тлото во соседна Грција не мирува. Нов земјотрес со јачина од 4,4 степени по Рихтеровата скала е регистриран попладнево.
Потресот се случил во подрачјето Еласона во грчката област Тесалија, јавува агенцијата АНА. Земјотресот се смета во низа на афтер-шокови по вчерашниот со јачина од 6,3 степени според Рихтеровата скала, при што беа повредени 11 луѓе, а оштетени се стотина куќи и други објекти. Неколку послаби потреси беа почувствувани и синоќа, а најсилниот беше со јачина од 5,2 степени.
Во текот на денот имало дваесетина земјотреси во Грција. Вчера се тресеше Лариса, а земјотрес вчера и денеска имаше и во Хрватска.Снимки направени со дрон ја покажаа сликата од разурнатите места.