Жена од ОВК повикана во Хаг
Објавено во: Балкан 10 Јануари, 2019
Раимонда Реци, прва жена од ОВК е повикана во Хаг.
Реци е првата жена припадничка на ОВК, која ќе се појави во седиштето на Специјалниот суд и Специјалното обвинителство во Хаг.
Повикот од Хаг таа го објави на својата Фејсбук страница, додавајќи дека во поканата пишува дека треба да биде сослушана во својство на сведок.
„Од почетокот на декември, моето име се наоѓа на списокот повикани во Специјалниот суд во Хаг, напиша Реци.
Таа иронично додаде дека е „голема чест да се биде единствената жена која е повикана во овој Суд“.
Денес од Приштина треба да отпатува првата група поранешни команданти и членови на т.н. Ослободителната војска на Косово во Хаг, кои ќе бидат сослушани во специјалниот суд формиран со цел да се утврдат злосторствата на таа паравоена формација за време на последната војна против Србите, нелојалните Албанци и припадниците на другите малцинства.
Од средината на декември, од Судот во Хаг беа повикани некогашните команданти на повеќе оперативни зони на ОВК.
Тука спаѓаат: Рустем Мустафа, Сами Љуштаку, Сокољ Добруна, Назиф Мехмети, Ремзи Шаља, Сафет Суља и Сулејман Сељими.