Зголемени безбедносни мерки за „македонската“ порада на 25 март
Објавено во: Балкан 23 Март, 2019
Полицијата во Грција превзеде зголемени безбедносни мерки за „македонската“ парада на 25 март која ќе се изведува низ Солун и Атика, а се очекуваат и испади против грчката влада и Преспанскиот договор, па дури и националистички навреди против „Северна Македонија“ во Пела, Катерини, Верија и Едеса.
Особено се стравува од инциденти на студентската и на воената парада на 25 март во Атина, каде што се очекуваат поединечни или организирани реакции против Преспанскиот договор.
Во Атина околу 850 полицајци ќе бидат распоредени за спроведување на безбедносниот план за студентската парада и 1.600 за воената.
Посебна програма е изготвена за да се спречат непосакувани потези против официјалните претставници на Владата и другите сужбени лица.