Зголемени платите на полицајците во МВР
Објавено во: Економија 31 Март, 2015
Пред два дена од собирот во Штип премиерот Никола Груевски ја најави мерката Усогласување на платите на униформираните и овластените лица во МВР со платите на униформираните и овластените лица во Царина, која денеска официјално беше потврдена од министерката Гордана Јанкулоска.
Денеска пак министерката и официјално ја потврди оваа информација на прес конференцијата со претседателот на македонскиот полициски синдикат Тихомир Климовски
Беше соопштено дека над 10 илјади вработени во МВР, полициски службеници и овластени службени лица, во рамки на усогласувањето на платите со вработените во Царинската управа, како дел од програмата за работа на Владата, ќе добијат зголемување за околу 20 проценти на основната плата до крајот на 2017 година.
– Со исплатата на априлската плата вработените во МВР ќе добијат плати кои ќе бидат повисоки за 5 проценти во однос на нивната мартовска плата. Тоа значи дека за оваа намена Владата обезбедува дополнителни 250 милиони денари до крајот на годинава, рече Јанкулоска, додавајќи оти усогласувањето ќе продолжи и во наредните 2 години.