Жртвите од ноќниот клуб во Букурешт пораснаa на 49

Добивај вести на Viber

Бројот на жртвите од пожарот во ноќниот клуб во Букурешт се зголеми на 49 лица. Во клиника во Ливерпул почина уште еден од повредените, кој бил со 60% изгореници, соопштија локални романски медиуми.

Неколку земји, помеѓу кои Холандија, Норвешка, Швајцарија, Австрија, Белгија, Германија и Израел, одговорија на повикот на романските власти и ги примија повредените во своите клиники. Во овие земји беа испратени 35 повредени луѓе, од кои сепак шест лица веќе починаа. Некои дури не го издржаа ни патот до болницата.

Веднаш по пожарот беше соопштено за 27 загинати, а 200 повредени беа однесени во болница. Списокот на жртвите постојано расте.

Од романското Министерство за здравство соопштија дека од 76-те жртви кои во моментов се во болница во Букурешт, 24 се во критична состојба. Останатите се со тешки изгореници, но нивната состојба се оценува како стабилна. „Бројот на жртвите може да порасне и оваа недела ќе биде критична за повредените“, објаснил лекар од болницата за изгореници.

Според првичните податоци причина за пожарот кој избувнал во текот на ноќта наспроти 31 октомври во ноќниот клуб „колективно“, каде имало огномет за време на концерт на рок група. Многу брзо се запалил таванот и речиси 500 лица направиле бутканица кон единствениот излез.

По трагедијата во Романија избувнаа масовни протести, кои доведоа до оставка на владата на Виктор Понта. Протестите меѓутоа не запреа тука и веќе една недела по улиците на Букурешт и други градови излегуваат илјадници луѓе барајќи предвремени избори и борба против корупцијата.