„Жив нема да им паднам во раце“, рекол „Малчанскиот бербер“
Објавено во: Балкан 30 Декември, 2019
12 годишната Моника Каримановиќ која е пронајдена откако со денови се трагаше по неа, открила кои биле последните зборови на киднапертот „берберот од Малчан“, Нинослав Јовановиќ.
„Жив нема да им паднам во раце“, изјавил Нинослав пред да ја пушти Моника да побегне.
Таа рекла дека Нинослав со себе земал и огромен нож.
Роберт Каримановиќ, таткото на Моника ја посетил денеска својата ќерка во Клиничкиот центар во Ниш, каде таа се наоѓа од синоќа, пренесува Телеграф.рс.
Тој рекол дека таа заздравува и е во стабилна состојба. Додал и дека нема видливи повреди освен некои модрици на нозете и рацете, но и дека нема коса.
„Хоспитализирана е, прима терапија и заздравува. Сопругата е со неа цело време. Комуникативна е, но малку е и психички растроена. Нема никакви видни повреди, освен модринки на нозете и рацете“ – рекол таткото на Моника, пренесува Телеграф.
Моника е пронајдена вчера во селото Пасјача, во домот од кој Малчанскиот бербер побегнал кога сфатил дека сопственикот на таа куќа го открил.
Пред 10 дена девојчето исчезнало, а полицијата започна потрага. Теренот го пребаруваа полицајци, хеликоптери, ловци.