ЖИВОТНА ПРИКАЗНА НА ОХРИДСКИОТ МУЗИЧАР МАРТИН МИЛЕСКИ: Без родителите, сами се боревме во суровиот свет

Добивај вести на Viber

Мајка ми и татко ми се починати веќе подолго време. По нивната смрт, останавме сами, сестра ми и јас. Со нас останаа само баба ми и дедо ми, со кои сме пораснати. За грижење, искрено ќе кажам бевме оставени сами на себе, на цела таа суровост. Но ете ќе речам, денес сме здрави прави и работиме напорно за да постигнеме нешто во животот и да ги направиме нашите родители горди, бидејќи можам да речам дека напорно се трудеа покрај сиромаштијата и лошите услови за живеење, јас и сестра ми да имаме се.

Приказната за упорноста и истрајноста на гитаристот и композитор Мартин Милески е добро позната меѓу неговите охриѓани. Во својот град, тој е еден од најангажираните млади музичари, познат по многуте преработки на хитови од светските ѕвезди, но и на хитот „Кој да ми запее“ од Каролина Гочева. Мартин и неговата сестра Маја рано останаа без своите родители, а грижата за нив ја преземаа нивните баба и дедо. Во приказната за Женски магазин, Мартин открива како тој и сестра му продолжиле сами, без поддршката на родителите, за својата музика, и за новиот, авторски албум „Colosseum full of emotions“ кој им е посветен токму на нив.