Добивај вести на Viber
Џонсон Мети, Фени индустри, Југохром Фероалојс, Саса, Бучим - ова се петте компании кои во 2013 година оствариле најголем извоз од Македонија, покажаа податоците на Централниот регистар.
Сите пет компании на листата најголеми извозници се во сопственост на странски инвеститори. Притоа, извозот од компаниите во слободните економски зони драстично се зголемува. Во првите шест месеци од годината од ТИРЗ остварен е извоз од над 550 милиони евра, што е двојно повеќе во споредба со истиот период лани. До крајот на годината, според прогнозите на македонските власти, извозот од зоните се очекува да достигне вредност од над 1 милијарда евра.
На списокот на најголеми увозници во земјава, пак, повторно прв на листата е Џонсон Мети. Останатите компании се енергетски - Окта, Лукоил, ЕФТ Македонија и ЕЛЕМ.