Зоран Божиновски: Љубчо Георгиевски е фаворит во сенка за лидерското место во ВМРО-ДПМНЕ
Објавено во: Македонија 11 Декември, 2017
Новинарот Зоран Божиновски вечерва во емисијата „Само вистина“ на Канал 5 на новинарско прашање за тоа кој смета дека ќе биде идниот лидер на ВМРО-ДПМНЕ, рече дека Љупчо Георгиевски кој за себе вели дека е демократ, треба да се врати и да го докаже тоа.
„По мене, неговите поддржувачи ќе чекаат дали има критична маса за да се врати или не. Тој мора да се врати на лидерското место во ВМРО-ДПМНЕ. По мене мора да се врати за да ја дозаврши работата што не ја заврши, а тоа е од ВМРО-ДПМНЕ да направи демократска партија“- вели Божиновски.
Божиновски рече дека Љубчо Георгиевски е скриен фаворит во сенка за лидерското место. Додаде дека сите други евентуални кандидати за лидер на партијата се пиони на Никола Груевски.
Новинарот за состојбите во земјава рече дека ДУИ се камен околу вратот на СДСМ, затоа што според него нивни структури се вмешани во криминал, а за Бујар Османи рече дека не може да не внесе ниту во Африка, а не пак во Европа како што се очекува.