07 Август, 2022
0.0290

Зошто Регулаторната комисија за енергетика ги „закла“ МЕПСО и Електродистрибуција?

Објавено во: Економија 30 Јуни, 2022

Добивај вести на Viber

Електродистрибуција лани имаше загуба од речиси 40 милиони евра затоа што мораше да купува струја по берзански цени. Регулаторот и одобри зголемување на тарифата од 20 отсто со алиби дека тоа што мора да го купи ќе го добие по багателна, а не по берзанска цена, од ЕСМ. Истото алиби важи и за МЕПСО кој не доби никакво зголемување на преносната тарифа. Дали ќе може ЕСМ да снабди 100 отсто од потребите на малите потрошувачи, домаќинствата, а при тоа и да обезбеди струја за техничките загуби на МЕПСО и на Електродистрибуција?

„Електродистрибуција“ и МЕПСО, операторите на системите за дистрибуција и пренос на електрична енергија, се најголемите губитници од денешната одлука на Регулаторната комисија за енергетика.

Државниот природен монопол МЕПСО не доби зголемување на преносната тарифа, а бараше покачување од речиси 70 отсто. Приватната „Електродиструција“ фирма ќерка на ЕВН Македонија, доби само 20 отсто зголемување на тарифата за дистрибуција на електрична енергија иако побара покачување на цената на регулираната услуга од 80 отсто.

МЕПСО побара од РКЕ да му одобри да ги зголеми приходите за 28,6 милиони евра и да добие приходи од 68 милиони евра. Со други зборови МЕПСО бараше неговата тарифа да поскапи 70 отсто. РКЕ го одби тоа барање и дури му ја намали за нијанса преносната тарифа што како регулиран приход ја добива МЕПСО сега за секој пренесен киловатчас електрична енергија. МЕПСО од РКЕ доби максимални 40 милиони евра да го покрие своето работење. 

Својата одлука РКЕ ја темели на тоа што ЕСМ вети дека ќе обезбеди струја потребна за покривање на техничката загуба на преносната мрежа по цена која ќе биде далеку пониска од сегашните цени на берзите за струја. Освен регулираниот приход МЕПСО е во покомотна ситуација од Електродистрибуција и затоа што има приходи од закуп на капацитети за пренос на струја кои трговците ги плаќаат за транзит на електрична енергија низ преносната мрежа.

Електродистрибуција е во многу полоша состојба од МЕПСО затоа што нема дополнителни приходи освен тие што ги добива од регулираната дистрибутивна тарифа. За годинава тие бараа од РКЕ да им одобри максимален приход од 330 милиони евра. Регулаторот им одобри 238 милиони евра, што е за 92 милиони евра помалку од тоа што го бараат. „Фактор“ побара коментар од ЕВН Македонија на одлуката на РКЕ и доколку го добиеме нивниот став ќе го објавиме во целост.

Универзалниот снабдувач ЕВН Хоме од РК доби одобрување на максимален регулиран приход од 297,5 милиони евра. На оваа компанија, која има задача да ги снабди сите домаќинства и мали потрошувачи, струјата треба да и ја обезбеди ЕСМ по цена од 48 евра за мегаватчас односно неполни 3 денари за еден киловатчас струја. 

Р.Ф.

Можеби ќе ве интересира

Бројните пожари и високите температури не се доволна причина, нашиот јужен сосед се враќа на јагленот

Бројните пожари и високите температури не се доволна причина, нашиот јужен сосед се враќа на јагленот

ОТВОРЕН БАЛКАН ВОДИ КОН ПОГОЛЕМА РАЗМЕНА НА РАБОТНИЦИ, нема веќе визи за граѓаните

ОТВОРЕН БАЛКАН ВОДИ КОН ПОГОЛЕМА РАЗМЕНА НА РАБОТНИЦИ, нема веќе визи за граѓаните

Срби во последните неколку месеци купиле 15.000 недвижнини на Халкидики

Срби во последните неколку месеци купиле 15.000 недвижнини на Халкидики

Украина од 1 септември започнува со приватизација

Украина од 1 септември започнува со приватизација

ММФ до владите: Не ја субвенционирајте скапата струја, нека ја плаќаат цела потрошувачите

ММФ до владите: Не ја субвенционирајте скапата струја, нека ја плаќаат цела потрошувачите

Четврт бурек за скоро време би можел да достигне 100 денари

Четврт бурек за скоро време би можел да достигне 100 денари

„Бетон“ вели дека наишол на опструкции од Народна банка и Државни патишта во последното бележење на загуба

„Бетон“ вели дека наишол на опструкции од Народна банка и Државни патишта во последното бележење на загуба

ЕВН: Голем интерес кај домаќинствата за продажба на електрична енергија

ЕВН: Голем интерес кај домаќинствата за продажба на електрична енергија

Житото од Украина се доставува низ целиот свет

Житото од Украина се доставува низ целиот свет