Зошто САД ја прогласи „петро“ криптовалутата за нафта од Венецуела за измама?

Добивај вести на Viber

Белата куќа предводена од претседателот Трамп издаде забрана за било кој државјанин на САД и било која компанија да има економски релации за нафтената криптовалута „петро“ која ја издаде владата на Венецуела под изговор дека станува збор за измама кон меѓународните инвеститори.

САД забранија било какво вложување, тргување и финансирање на криптовалути, токени и дигитални монети издадени од венецуелската влада од 9 јануари годинава, се со цел да се спречи напредокот на власта на автократот Никола Мадуро кој применува многу екстремни мерки за да остане на власт.

Венецуела е една од најбогатите земји со нафта во Латинска Америка, но постојано се соочува со судири со САД поради социјалистичкото уредување и национализацијата на најуспешните компании од кои не се откажува ниту Мадуро.

Во Венецуела имаше жестоки протести на опозицијата поради влошената економска состојба по санкциите и пропаста на државната финансиска политика што ја зголеми невработеноста, сиромаштијата и трговијата во земјата.

САД велат дека со тргување со криптовалутата „петро“ и се дава легитимитет на венецуелската диктатура, додека пак претседателот Мадуро тврди дека тоа е автономно право за продажба на нафтата и борба со американскиот петро-долар.