Добивај вести на Viber
Бизнисмените од Стопанската комора на северозападна Македонија барааат од Владата субвенции за воведување на ХАЛАЛ стандардот во нивното работење. Многу малку компании го имаат воведено овој стандард, иако тој би им ноаел голем профит, но сепак бизнисмените велат дека во време на криза тешко е да се инвестира.
„Државата од следната година да воведе субвенции за ХАЛАЛ. Во министерство ни кажаа дека е одобрено тоа и очекуваме дека со овој стандард на компаниите ќе им донесе поголема можност за воведување на ХАЛАЛ, а се надевам дека ќе има повеќе компании со ваков стандард. Ова нема да им донесе само пари и поголем пазар туку во позадина го имаат и верскиот и моралниот стандард од аспект на производство на производи “ вели Фатмир Ботиќи, извршен директор на Стопанската комора на северзоападна Македонија.
Од министерството за економија велат дека за оваа намена пари ќе има дури од наредната година.Инаку ХАЛАЛ стандардот предвидува животното кое се коле да биде одгледано со здрава храна, при колење да биде свртено кон Мека, да не биде мачено, а мора и да биде заклано од човек кој го познава куранот и кој ќе му отпее молитва.
Повеќе околу ХАЛАЛ стандарот и неговата примена во Македонија гледајте вечерва во економската емисија на АЛСАТ- М во 18.25 минути