ГЕРМАНЦИТЕ БОГАТИ КАКО НИКОГАШ ДОСЕГА: Имаат толку многу пари што не ги интересира да штедат и вложуваат

Добивај вести на Viber

Богатството на Германците се зголеми во третиот квартал минатата година за 1,2 отсто и сега изнесува 5,7 билиони (билион-илјада милијарди) евра, покажуваат податоците на Германската сојузна банка.

Се очекува дека податоците за крајот на минатата година ќе покажат дека нивниот имот преминал сума од шест билиони. Во таа сума спаѓа вредноста на готвоината, акции и животни осигурувања, но не и недвижнини.

Граѓаните на Германија би можеле да бидат уште побогати да вложуваат повеќе во акции, но тие најмногу им веруваат на безбедните и лесно достапни обични штедења, како што се штедната книшка или тековна сметка. Тоа, поради рекордно ниските камати, не им донесува никаков профит, но сепак избегнуваат вложување во акции, па дури и оние со ниско ниво на ризик.

„Германците се уште далеку од облици на штедења кои донесуваат долгорочна добивка“, е заклучокот на една неодамнешна студија на концернот Алианз. Поради лесниот пораст на инфлација, класичните штедачи дури и губат пари, наведува Алианз и тврди дека на овој начин германските штедачи минатата година изгубиле помеѓу 35 и 38 милијарди евра.

Од друга страна, ниските камати и понатаму обемно ги користат граѓаните кои сакаат да вложат во недвижнини. Интересот за станбени кредити и понатаму е голем.