Нафтата поскапе, но цените остануваат во тесни граници

Добивај вести на Viber

Цените на нафтата остануваат стабилни во вторникот, поддржани од напорите на Организацијата на земјите извознички на нафта (ОПЕК) да го намали приносот. Зголемената продукција во други делови на пазарот сепак ги држи цените во тесни граници оваа година, наведува Ројтерс.

Американската лесна сурова нафта WTI поскапува со 0,51% до 53,20 долари за барел, а европскиот репер Брент бележи раст во цената од 0.58% до 55,91 долари за барел до 10:30 часот.

ОПЕК и други водечки производители, вклучувајќи ја и Русија се согласија да го намалат производството за 1,8 милиони барели дневно во првото полугодие на 2017 година во обид да се справат со презаситеност на пазарот.

Овие напори сепак се соочуваат со зголемен принос во САД, каде забрзаната активност производителите на шкрилци го зголеми производството до 8,98 милиони барели дневно. Тоа е со 6,5% над нивото од средината на 2016 година и достигна највисоко ниво од април минатата година.

Иако учесниците во трансакцијата на ОПЕК применуваат околу 90% од договорените намалувања, сеуште има скептицизам за крајниот резултат, поради што падот во производството нема особено голем ефект врз цените.

„ABN“ пишува дека е намалена просечната прогноза за Брентот во првото полугодие на 2017 година од 55 до 50 долари за барел. Банката признава дека може да има и привремено фрустрирачки под 45 долари за барел.