Заев најави модерно образование - Помалку предмети, повеќе стручност

Добивај вести на Viber

Премиерот Зоран Заев на Конференција за квалитетно образование за раст, резултати и подобра иднина, во организација на УНИЦЕФ истакна дека еден од приоритетите Владата е создавање одржлив образовен систем во Република Македонија со квалитетни кадри кои ќе го најдат своето место на пазарот на трудот.

„Владата, преку Министерството за образование веќе почна со ревизија на наставните планови и програми. Започнати се и процеси на ревизија на учебниците, како и на менување на законите што се однесуваат на образованието, рече премиерот нагласувајќи дека учениците имаат премногу предмети и не добиваат суштинско знаење.   

Премиерот посочи и дека ќе има промени за наставниците.

„Многу од работите што треба да се променат се однесуваат на мотивација на наставниците и учениците, на креативност во работата и учењето,  на иницијативност,  на инклузивност, на следење современи трендови во наставата и користење современи методи. Затоа со буџетот за 2018 година, обезбедени се дополнителни средства, со што ќе се реализира најавеното зголемување на платите во висина од 5% во основните и средните училишта, а предвидени се и нови вработувања според реалните потреби“ рече Заев.